IKERTALENT Ikertzailea Elikagaien Diseinuan

Kokapena: Markina-Xemein (Espainia)
Kontratua: Beka
Laneguna: Jardunaldi osoa
Sektorea: Zerbitzuak
Lanpostu: 1
Diziplina: Ikerketa eta garapena
Lan-modalitatea: Gunean

Leartiker

Leartiker MARKINA-XEMEINen (Bizkaia) kokatutako Zentro Teknologiko bat gara. Elikagaien Teknologia eta Polimeroen Teknologia gure bi espezializazioekin, enpresa ehunari balioa ematen diogu gure I+G+B jardueraren eta horren transferentzia egokiaren bitartez. Basque Research Technology Alliance (BRTA) aliantza teknologikoko kide gara eta Foku Anitzeko Zentro Teknologiko gisa, Zientzia, Teknologia eta Berrikuntzaren Euskal Sareko (ZTBES) kide ere bagara. EAEko lehen enpresa taldea eta munduko kooperatiba handiena den MONDRAGON korporazioko kooperatiba ereduan oinarritutako irabazi asmorik gabeko zentro teknologiko bat gara.

Gure ikerketa- eta transferentzia-jarduera bi teknologia nagusitan banatzen ditugun lau espezializazio teknologiko handitan garatzen dugu:

Elikagaien Teknologiaren esparruan, Esneki Zentroa eta Elikagaien Diseinua espezializazioetan lan egiten dugu, lehenengoa, EAEko lehenengo esneki zentroa, gazta eta esneki berriak garatzera bideratuta eta bigarrena, landare- edo animalia-jatorriko lehengaietatik abiatuta ideiatik hasi eta merkaturatu arte produktu osasungarri eta jasangarri berriak garatzen dituena,.

Polimeroen Teknologian, Osasuna eta Garraio Jasangarria espezializazio teknologikoak ditugu. Osasunaren esparruan, gailu medikoetan erabiltzeko material polimeriko biobateragarri berriak garatzen ditugu, eta, Garraio Jasangarriaren kasuan egitura polimeriko arinak, fidagarriak eta isilak garatzen ditugu, eta haien portaera aurreikusten dugu digitalizazio-tekniken bitartez.

Talentua beti lehen postuan. Pertsonak zarete gure baliorik handiena eta zuen talentuak mugitzen du gure egunerokoa. Horregatik, Leartikerren talentua garatzen dugu. Hazten ari garen familia txiki bat gara... Eta proiektu zoragarri honen parte diren Pertsonen garapenerako Leartiker munduko lekurik onena izan dadin egiten dugu lan.

Lanpostuaren deskribapena

Eusko Jaurlaritzako Ekonomiaren Garapen, Jasangarritasun eta Ingurumen Sailaren laguntzarekin eta beka bat ematen da Ikertalent programaren bidez, teknologoen prestakuntza sustatzeko, Leartiker Elikagaien Teknologiaren Elikagaien Diseinuaren Arloan sartuta.

Espezializazio honetan, ideiatik merkatura, landare zein animalia jatorriko tokiko lehengaiekin balio erantsia duten produktu osasungarri eta jasangarri berriak garatzen ditugu.

Horretarako, ezagutza bi arlo espezifikotan garatzen dugu:

Proteinen iturri alternatiboak: elikagai osasungarriak eta jasangarriak garatzeko proteina alternatiboen iturriak aplikatzeko eta prozesatzeko estrategia berriak identifikatzea.
Elikagai hartzituak: produktu berrientzako hartzitze-prozesuak. Hartzidura-prozesuek produktuen segurtasunean eta konposatu bioaktiboak lortzean duten lotura ikertzea.

Arlo horiekin lotutako proiektuek kontrol analitiko bat behar dute (a) garatutako produktu berrien ezaugarriak zehazteko, (b) lortutako produktuen kalitatea zehazteko, (c) elikagaien segurtasuna bermatzeko eta (e) elikagai berrien ezaugarri osasungarriak ebaluatzeko.

Zeregin hauetan parte hartuko duzu:

Proteina alternatiboen iturrien eta elikagai hartzituen ikerketa-lerroen esparruan garatutako produktu berriak kontrolatzeko eta ebaluatzeko teknika analitikoak abian jartzea.
Ikerketarako aukera berriak identifikatzea eta bilatzea.
Saiakuntza esperimentalak eta lortutako emaitzen analisia diseinatzea eta gauzatzea.

Guzti honekin hurrengoa lortuko duzu:

Zure prestakuntza pertsonala sustatzea, Euskal Autonomia Erkidegoko elikagaien sektoreko arlo zientifiko-teknologikoetan, merkatuetan eta enpresa-antolaketan garatu beharreko I+G+b proiektuetan sartuta eta parte hartuta.

Horrez gain, Leartikerren bidez hurrengoa lortuko duzu:

Profesionalki eta pertsonalki garatzea, zure harri-koskorra emanez, elikagaien sektorearen etorkizunari gehituz. Merkatuan eskaria handia duen puntako jakintza-arlo batean etorkizunerako proiektu baten bidez.
Zure ezagutza zabaltzea, teknologia aurreratua eta prozesu berritzaileak dituzten laborategietan garatuz.
Leartikerren bezero diren beste erakunde eta enpresa batzuen errealitatea eta beharrak ezagutzea, hainbat proiektuetan parte hartuz.
Zure Garapen Planaren eta Karrera Planari lotutako banakako ekarpenaren bidez, gure beharretara egokitzeko pertsonalizatu izango duzun hasierako prestakuntza bat.

Gurekin garatzearen onurak:

Talde profesional gazte, proaktibo eta dinamiko bateko kide izango zara.
Ordutegi eta egutegi malgua edukiko duzu.
Telelana urteko markoaren % 30era arte egin ahal izango duzu.
Gure kultura: LEARTIKER ZIRRARA
- #PertsonentzakoTeknologia
- Inplikazioa, konfiantza, zerbitzurako orientazioa, positibismoa eta zorroztasun zientifikoa gailentzen diren kultura baten parte izango zara.

Berrikuntza eredu ireki batean oinarrituta, Leartiker proiektua elkarlanean eraiki genuen, ezagutza balio erantsi bihurtuz, dibertsifikazio-prozesuak erraztuz eta lanpostu berriak sortuz.

Leartiker proiektuaren kide izateaz harro dauden pertsonen taldea gara. Sentitzen al duzu LEARTIKER ZIRRARA?

Baldintzak

Beka hau eskuratu ahal izango duzu baldin eta...

Euskal Autonomia Erkidegoko udalerri batean erroldatuta bazaude, deialdia argitaratu den urteko urtarrilaren 1etik gutxienez.
Ez duzu jaso Eusko Jaurlaritzan nekazaritzaren, arrantzaren eta elikaduraren arloko eskumena duen sailaren antzeko beste laguntzarik.
Unibertsitateko graduatu-titulu ofiziala edo goi-mailako teknikari-titulua baduzu, Lanbide Heziketako goi-mailako prestakuntza-ziklo bat gainditu duzulako.
Aurreko baldintzetako edozeini dagokion titulua lortzeko ikasketak amaitu badituzu, eskabideak aurkezteko epea itxi aurreko bost ikasturte osoko aldian.

Kokapena: Markina-Xemein (Espainia)
Kontratua: Beka
Laneguna: Jardunaldi osoa
Sektorea: Zerbitzuak
Lanpostu: 1
Diziplina: Ikerketa eta garapena
Lan-modalitatea: Gunean

Begiratu gure beste eskaintzak